قانوني
شروط وأحكام SUBSC Store
باستخدامك للبوت أو المتجر أو الموقع فأنت توافق على الشروط دي بالكامل.
١) المنتجات
- كل المنتجات اشتراكات وأكواد وحسابات رقمية، بتتسلّم إلكترونياً داخل تيليجرام أو التطبيق.
- مدة كل اشتراك ونوعه (حساب مشترك / حساب خاص / كود تفعيل) مكتوبين في صفحة المنتج، وهي اللي بتحكم الضمان.
٢) الطلب والدفع
- الطلب مش بيتأكد إلا بعد ما المبلغ يوصل كامل لحسابنا ونراجعه على كشف الحساب.
- لازم تحوّل المبلغ بالظبط المكتوب في الطلب، وتكتب الرقم أو الحساب اللي حوّلت منه.
- الأسعار ممكن تتغير في أي وقت، لكن الطلب اللي اتعمل بيفضل بالسعر اللي اتعمل بيه.
٣) التسليم
- التسليم من 15 دقيقة لحد ساعتين بعد تأكيد الدفع، وأحياناً أسرع.
- بيانات المنتج بتوصلك على حسابك في تيليجرام بس، ومش هنطلب منك أي باسورد خاص بيك.
٤) الضمان والاسترجاع
- الضمان ساري طول المدة المكتوبة في صفحة المنتج.
- لو حصلت مشكلة خلال الضمان بنصلّحها أو نبدّل المنتج. لو مقدرناش، بنرجّع قيمة المدة المتبقية.
- الضمان بيسقط لو غيّرت بيانات حساب مشترك، أو شاركته، أو فعّلت عليه تحقق بخطوتين، أو استخدمته بطريقة تخالف شروط الخدمة الأصلية.
- المنتجات الرقمية اللي اتسلّمت واشتغلت مش بتترجّع.
٥) الأمان ومنع الاحتيال
- أي إيصال مزيف أو معدّل أو مستخدم قبل كده = إلغاء الطلب وحظر نهائي.
- المحاولات المريبة في الدفع أو الطلبات الوهمية المتكررة بتوقف الحساب مؤقتاً، والتكرار في نفس اليوم بيخلّي الإيقاف أطول أو نهائي.
- لو حسابك اتوقف بالغلط تقدر تقدّم التماس من البوت وبنراجعه بأنفسنا.
٦) الخصوصية
- بنحتفظ بالاسم والرقم اللي بتكتبهم في أول طلب علشان نتواصل معاك بخصوص طلباتك بس، ومش بنشاركهم مع أي حد.
٧) التواصل
- أي استفسار أو مشكلة: @subscsupport